საერთაშორისო რესპუბლიკურმა ინსტიტუტმა (IRI) დღეს საქართველოს მოსახლეობის აზრის კვლევის შედეგები გამოაქვეყნა. IRI-მ მოსახლეობას დაუსვა კითხვა თუ რომელ პარტიას არ მისცემდნენ არასდროს ხმას, შედეგები ასე განაწილდა:
- ქართული ოცნება - 27%
- ერთიანი ნაციონალური მოძრაობა - 24%
- დემოკრატიული მოძრაობა (ბურჯანაძე) - 10%
- გირჩი - 9%
- პატრიიოტთა ალიანსი - 9%
- ლეიბორისტული პარტია - 8%
- ევროპული საქართველო - 7%
- ახალი საქართველო - 6%
- რესპუბლიკელები - 5%
- თავისუფალი დემოკრატები - 3%
შესაბამისად ნეგატიური რეიტინგი ყველაზე მაღალი ქართულ ოცნებას აქვს, მეორე ადგილზე ამ რეიტინგში ერთიანი ნაციონალური მოძრაობაა. IRI-იმ მოსახლეობას არჩევნების შესახებ კიდევ ერთი კითხვა დაუსვა - ამ კვირას რომ არჩევნები იყოს, რომელ პარტიას მისცემდით ხმას? შედეგები ასე გადანაწილდა:
- ქართული ოცნება - 27%
- ერთიანი ნაციონალური მოძრაობა - 17%
- ევროპული საქართველო - 7%
- ლეიბორისტული პარტია - 5%
- პატრიიოტთა ალიანსი - 4%
- დემოკრატიული მოძრაობა (ბურჯანაძე) - 3%
- ახალი საქართველო - 2%
- თავისუფალი დემოკრატები - 1%
- გირჩი - 1%
- სხვა - 0.5%
- არ ვიცი/არცერთი/არ მაქვს პასუხი - 33%
ამ ორი კითხვის საერთო შედეგებიდან გამომდინარე, მათ მოწონების მაჩვენებელთან შედარებით ყველაზე მაღალი ნეგატიური რეიტინგი აქვს ნინო ბურჯანაძის დემოკრატიულ მოძრაობას - რომელსაც ხმას არასდროს მისცემდა 10%, და გირჩს, რომელსაც 1%-იანი რეიტინგი აქვს, თუმცა ხმას არასდროს მისცემდა 9%. ქართული ოცნების ნეგატიური რეიტინგი მისი მოწონების მაჩვენებლის ტოლფასია და 27%-ს შეადგენს.
კვლევა ჩატარებულ იქნა ბალტიის კვლევების / გელაპის ორგანიზაციის მიერ
საერთაშორისო რესპუბლიკური ინსტიტუტის კვლევების ცენტრის დავალებით.
მონაცემთა შეგროვება მოხდა 2018 წლის 10-22 აპრილის შუალედში და გამოკითხულ
იქნა საარჩევნო უფლების მქონდე 1500 საქართველოს მოქალაქე. რესპოდენტთა
გამოპასუხების პროცენტია 71, ხოლო ცდომილების ზღვარია +/- 2.5 პროცენტი.