25 ივნისს ამერიკის საკვების და მედიკამენტების უსაფრთხოების ადმინისტრაციამ (FDA) დაამტკიცა მარიხუანასგან მიღებული წამალი, რომელიც ეპილეფსიის ორ იშვიათ და მძიმე ფორმას კურნავს.
ბრიტანული კომპანია GW Pharmaceutical-ის წამალი, ეპიდიოლექსი კანაბიდიოლისგან მიიღეს, რომელიც მარიხუანას ერთ-ერთი კომპონენტია. მას მიიღებენ ზეთის სახით და კლინიკურ კვლევებში მან დრავეს და ლენოქს-გასტოს სინდრომების მქონე პაციენტებში გულყრების რაოდენობა დაახლოებით 40 პროცენტით შეამცირა.
„ეს მნიშვნელოვანი წინსვლაა მედიცინისთვის“, - თქვა FDA-ს კომისიის წევრმა დოქტორ სკოტ გოთლიბმა თავის განცხადებაში.
კანაბიდიოლი ერთ-ერთია 80 აქტიური კანაბინოიდური ნივთიერებებიდან, თუმცა THC-სგან და ტეტრაჰიდროკანაბინოლისგან განსხვავებით, მას გაბრუების და თრობის ეფექტი არ აქვს.
GW Pharmaceutical-ის აღმასრულებელი დირექტორი ამას ისტორიულ მომენტს უწოდებს და დასძენს, რომ კლინიკურად გამოკვლეული კანაბინოიდური მედიკამენტი შემოდგომიდან პაციენტებისთვის ხელისაწვდომი გახდება.