საქართველოს აეროპორტების გაერთიანების ინფორმაციით, ელტონ ჯონის კონცერტთან დაკავშირებით თბილისი-ბათუმი-თბილისის მიმართულებით დამატებით ავიარეისი დაინიშნა.
თბილისის საერთაშორისო აეროპორტიდან ბათუმის საერთაშორისო აეროპორტის მიმართულებით ავიარეისი 30 ივნისს, 09:30 საათზე შესრულდება და უკან 11:30 საათზე დაბრუნდება.
ზოგადად, თბილისი-ბათუმი-თბილისის მიმართულებით კვირაში ხუთჯერ სრულდება. ამ შემთხვევაში დაემატება შაბათის რეისი.
ელტონ ჯონის კონცერტები Black See Arena-ზე 30 ივნისსა და პირველ ივლისს გაიმართება.
