საქართველოს შინაგან საქმეთა სამინისტროს განცხადებით პოლიციმ ხაშურში დამამძიმებელ გარემოებებში განზრახ მკვლელობის ბრალდებით ერთი პირი დააკავა.
1988 წელს დაბადებული გ.ლ. დამამძიმებელ გარემოებებში განზრახ მკვლელობის მცდელობის ბრალდებით ხაშურში დააკავეს. დანაშაული 16-დან 20 წლამდე ვადით, ან უვადო თავისუფლების აღკვეთას ითვალისწინებს.
შსს-ს მიხედვით გამოძიებამ დაადგინა, რომ ბრალდებულმა, მიმდინარე წლის 29 ივნისს, ქ. ხაშურში, ურთიერთშელაპარაკების ნიადაგზე, ცივი იარაღით სხეულზე დაზიანებები მიაყენა ორ პირს: 1986 წელს დაბადებულ ზ.ხ.-ს და 1984 წელს დაბადებულ ო.თ.-ს, რის შემდეგაც შემთხვევის ადგილიდან მიიმალა. ორივე მათგანი საავადმყოფოში გადაიყვანეს, თუმცა ო.თ.-ს გადარჩენა ვერ მოხერხდა.
გამოძიება ორი ან მეტი პირის მიმართ დამამძიმებელ გარემოებებში განზრახ მკვლელობის მცდელობის ფაქტზე, საქართველოს სსკ-ს 19-109-ე მუხლის მე-3 ნაწილით მიმდინარეობს.
