ხორვატიის ფეხბურთის ასოციაციამ, ოგნენ ვუკოევიჩი, უკრაინის "დიდებისთვის" ჩაწერილი ვიდეოს გამო, ნაკრების სამწვრთნელო შტაბიდან და დელეგაციიდან მოკვეთა.
"ხორვატიის ფეხბურთის ასოციაცია ბოდიშს უხდის რუს ხალხს ხორვატიის ნაკრების თანამშრომლის ამ ქცევისთვის" - წერია განცხადებაში.
ვეტერანმა ხორვატმა ფეხბურთელმა, ოგნენ ვუკოევიჩმა, რომელიც ახლა კიევის დინამოს აგენტია, დომაგოი ვიდასთან ერთად, რუსეთისა და ხორვატიის თამაშის შემდეგ, ვიდეო გამოაქვეყნა, რომელშიც ფეხბურთელები ამბობენ - "დიდება უკრაინას. ეს გამარჯვება ეძღვნება დინამოსა და უკრაინას".
ვიდეოს გამოქვყენების შემდეგ FIFA-მ გამოძიება დაიწყო, თუმცა ფეხბურთელების მიმართ მხოლოდ სიტყვიერი გაფრთხილებით შემოიფარგლა. მოგვიანებით, დომაგოი ვიდამ რუსულ გაზეთს, Sport Express-ს მის ამ მესიჯზე კომენტარი მისცა და თქვა, რომ მესიჯი პერსონალური იყო და პოლიტიკა არაფერ შუაშია.
"ფეხბურთში პოლიტიკა არ არის. ეს არის ხუმრობა ჩემი მეგობრებისთვის კიევის დინამოდან. მე მიყვარს რუსები და მე მიყვარს უკრაინელები" - თქვა ვიდამ Sport Express-ის ცნობით.
