აშშ-რუსეთი

პუტინი: ტრამპი ისევ ფიქრობს, რომ ყირიმის ანექსია უკანონო იყო, ჩვენ სხვა აზრი გვაქვს

0 კომენტარი
ფოტო: AFP

დონალდ ტრამპის და ვლადიმირ პუტინის ერთობლივ პრესკონფერენციაზე ერთ-ერთმა ჟურნალისტმა რუსეთის პრეზიდენტს ჰკითხა, რა უთხრა მას დონალდ ტრამპმა ყირიმის ანექსიის შესახებ. 

კითხვა ასე იყო ფორმულირებული: თვლის თუ არა პრეზიდენტი ტრამპი, რომ ყირიმი რუსეთის ნაწილია?

პუტინმა უპასუხა: 

"პრეზიდენტ ტრამპის დამოკიდებულება ყირიმზე საყოველთაოდ ცნობილია, ის აგრძელებს აღნიშვნას, რომ ყირიმის ანექსია იყო უკანონო. ჩვენი ხედვა ამ საკითხთან დაკავშირებით განსხვავებულია. ჩვენ ამასთან დაკავშირებით რეფერენდუმი ჩავატარეთ".

[ყირიმში გამართული ე.წ. რეფერენდუმის შედეგების თანახმად, რუსეთის შემადგენლობაში შესვლას ხმა რეფერენდუმზე მისულ მოქალაქეთა 95%-ზე მეტმა მისცა]. 

აშშ-ის და რუსეთის პრეზიდენტების ერთობლივი პრესკონფერენცია დაახლოებით ერთ საათს გაგრძელდა. მანამდე კი მათ რამდენიმე საათიანი შეხვედრები გამართეს ჯერ დახურულ რეჟიმში, შემდეგ კი გაფართოებულ ფორმატში, ოფიციალური სადილის ფარგლებში. 

ახალი ვიდეო მეტი ვიდეო

ნორვეგიის ელჩი: როგორც ქართველი თამადა იტყოდა, გაუმარჯოს საქართველოს ნათელ მომავალს

კომენტარები