ჩქაროსნული მაგისტრალი

14.7-კილომეტრიანი გზის ასაშენებლად საქართველო $343-მილიონიან სესხს იაპონიისგან იღებს

0 კომენტარი

რიკოთის უღელტეხილზე, შორაპანი-არგვეთას 14.7-კილომეტრიანი მონაკვეთის აშენება საქართველოს $343 მილიონი დაუჯდება. ეს ნიშნავს რომ გზის ყოველი მეტრის გასაშუალოებული ღირებულება $23 ათასი, ანუ 59 ათასი ლარია.

საქართველო პროექტს იაპონიის მთავრობის მიერ გაცემული სესხით დააფინანსებს. სასესხო ხელშეკრულებას ხელი თბილისში, იაპონიის საგარეო საქმეთა მინისტრის ვიზიტის დროს მოეწერება.

4-5 სექტემბერს საქართველოს ოფიციალური ვიზიტით იაპონიის საგარეო საქმეთა მინისტრი ტარო კანო ეწვევა, ის შეხვედრებს გამართავს საქართველოს პრეზიდენტთან, პრემიერ-მინისტრთან და საგარეო საქმეთა მინისტრთან. 

ორზოლიანი, ორსავალნაწილიანი ახალი მაგისტრალის მშენებლობა, რომელიც მოიცავს 12 გვირაბსა და 14 ხიდს. 

რიკოთის უღელტეხილზე დაგეგმილია 52 კმ-მდე სიგრძის გზის მშენებლობა, რომელიც 97-მდე ხიდსა და 53-მდე გვირაბს მოიცავს. პროექტზე ჯამში 1 მილიარდ დოლარამდე დაიხარჯება.

რიკოთის საუღელტეხილო მონაკვეთის მშენებლობა 4 სექციად არის დაყოფილი: ჩუმათელეთი-ხევის მონაკვეთი (I სექცია) 11.7 კმ, ხევი-უბისას მონაკვეთი (II სექცია) 12,2 კმ, უბისა-შორაპანის მონაკვეთი (III სექცია) 13 კმ. შორაპანი-არგვეთას მონაკვეთი (IV სექცია) 14,7კმ.

რიკოთის მოდერნიზება ხელს შეუწყობს ჩქაროსნული გზის გამტარუნარიანობისა და სატრანზიტო ტვირთბრუნვის ზრდას, ასევე ავტოტრანსპორტის მოძრაობის უსაფრთხოების დონის ამაღლებას და მგზავრობის დროის შემცირებას. 

ახალი ვიდეო მეტი ვიდეო

შსს: დავაკავეთ 6 პირი, რომლებმაც საქმის გასარჩევად "კანონიერ ქურდს", ბურდღუნიჩას მიმართეს - VIDEO

კომენტარები