კაცი, რომელმაც დიდ დიღომში, კორპუსის ბავშვებს ეზოში აუზი დაუდგა, გუშინ საკუთარ სახლში გარდაცვლილი იპოვეს. შსს-მ გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს. დიმიტრი ტატიშვილს ცოლი და ოთხი შვილი ჰყავდა.
დიმიტრი ტატიშვილმა რამდენიმე თვის წინ საცურაო აუზი იყიდა და კორპუსებს შორის ეზოში დაამონტაჟა.
"4 შვილი მყავს. ბავშვები ძალიან მიყვარს. მინდოდა იმ მომენტის ნახვა, როცა უბნის ბავშვები პირველად შეამჩნევდნენ აუზს ეზოში. სპეციალურად შუა ღამეს ავაწყვეთ, რომ არ ენახათ. დილით კი დაველოდე მათ რეაქციას და ზუსტად ისეთი იყო როგორიც წარმომედგინა. ბედნიერების და სიხარულის ნაპერწკლები ცვიოდათ თვალებიდან. მიზანიც ეს იყო" - ამბობდა ტატიშვილი mshoblebi.ge-სთან ინტერვიუში.
