პოპ ვარსკვლავმა ლედი გაგამ მუსიკალური ჟანრის, მეტალის შესახებ ისაუბრა.
მომღერლის თქმით, მის ბოლო დროინდელ შემოქმედებაზე კლასიკური როკისა და მეტალ ჯგუფების გავლენა დიდია. მან ასევე მის საყვარელ ჯგუფზე, Iron Maiden-ზე ისაუბრა.
"ჩემი აზრით, Iron Maiden ერთ-ერთი საუკეთესო ჯგუფია ისტორიის განმავლობაში. ადამიანების ნაწილმა არ იცის მეტალის რეალური მნიშვნელობა და ისინი უკუაგდებენ მას. ეს ადამიანები სტადიონებს ავსებდნენ და დღესაც ავსებენ", - თქვა ლედი გაგამ.
მომღერლისვე თქმით, ის შემდეგ მადონა არ არის, ის შემდეგი Iron Maiden-ია.
"მათი [Iron Maiden-ის] პოეზია ძალიან ძლიერია, როდესაც ფანები მათ მოსასმენად მიდიან, ისინი ერთიანდებიან. ხალხს, რომელიც მეუბნება, რომ შემდეგი მადონა ვარ, ყოველთვის ვპასუხობ, რომ არა, მე შემდეგ Iron Maiden ვარ", - თქვა ლედი გაგამ.