საქართველო-აშშ

ჯორჯ კენტი: აღშფოთებული ვართ საქართველოს მოქალაქეების დაკავებებით და სიკვდილით

აშშ-ს საელჩო საქართველოში

“ეს რეგიონები საქართველოს ნაწილია. ჩვენ აღშფოთებული ვართ საქართველოს მოქალაქეების დაუსრულებელი დაკავებებით, არასათანადო მოპყრობითა და სიკვდილით” - ამბობს აშშ-ს სახელმწიფო მდივნის თანაშემწის მოადგილე ჯორჯ კენტი, რომელიც 13 ოქტომბერს საქართველოში საოკუპაციო ხაზთან იმყყოფებოდა.

მისივე თქმით, მოსფლიოს არ დავიწყებია, თუ რა მოხდა და საქართველოს საზღვრების შეცვლის მცდელობა ყოველთვის მიუღებელი იქნება:

ათი წელი გავიდა რუსეთის მიერ საქართველოს ტერიტორიის ოკუპაციიდან. დღეს მოვედი აქ, რათა შევახსენო ქართველ ხალხს, რომ შეერთებული შტატები მათ გვერდითაა და რომ მსოფლიოს არ დავიწყებია, თუ რა მოხდა აქ. საერთაშორისო საზოგადოება არ აღიარებს ამ გამყოფ ხაზს საერთაშორისო საზღვრად და ჩვენთვის ყოველთვის მიუღებელი იქნება ნებისმიერი მცდელობა, შეცვალონ საქართველოს საზღვრები მისი სუვერენიტეტის დარღვევით. საქართველოს მოქალაქეები ცხოვრებასა და მოღვაწეობას ოკუპაციის ჩრდილში აგრძელებენ.

ეს რეგიონები საქართველოს ნაწილია. ჩვენ აღშფოთებული ვართ საქართველოს მოქალაქეების დაუსრულებელი დაკავებებით, არასათანადო მოპყრობითა და სიკვდილით; ღრმა მწუხარებას ვუცხადებთ ამ ადამიანების ოჯახებს. ჩვენ ჩვენი მეგობრების გვერდით ვდგავართ საქართველოში და კიდევ ერთხელ მოვუწოდებთ რუსეთის მთავრობას, შეასრულოს 2008 წლის ცეცხლის შეწყვეტის შეთანხმების პირობები: შეწყვიტოს ამ ერთეულების ქვეყნებად აღიარება და გაიყვანოს რუსული ჯარები ომამდელ პოზიციებზე. ჩვენ, ასევე, მოვუწოდებთ რუსეთის მთავრობას, ნება დართოს ხალხისათვის ესოდენ საჭირო ჰუმანიტარული დახმარების შესვლას აღნიშნულ რეგიონებში. შეერთებული შტატები მტკიცედ ერთგული რჩება საქართველოს სუვერენიტეტის, ტერიტორიული მთლიანობისა და საქართველოს მთავრობასთან სტრატეგიული პარტნიორობის მიმართ. - სახელმწიფო მდივნის მეორე მოადგილის ჯორჯ კენტის განცხადება ადმინისტრაციულ სასაზღვრო ხაზთან“, - ვკითხულობს ჯორჯ კენტის განცადებაში, რომელსაც საქართველოში აშშ-ს საელჩო ავრცელებს.

საქართველოში ვიზიტის ფარგლებში ჯორჯ კენტი მმართველი გუნდის და ოპოზიციის წევრებს შეხვდა.

კომენტარები