დეტროიტში, ყოფილი დამკრძალავი ბიუროს შენობაში, რომელიც სახელმწიფო სამსახურმა აპრილში ანტისანიტარიის და გვამების არასწორი შენახვის პირობების გამო დახურა, ხრწნის პროცესში მყოფი 11 ახალშობილის გვამი აღმოაჩინეს.
გვამების შესახებ პოლიციას პარასკევს დილის 6:30 საათზე მუშებმა შეატყობინეს, მათ 9 გვამი ყუთში, ხოლო ორი კუბოში იპოვეს. პოლიციამ მთელი შენობა გაჩხრიკა, სხვა ვერაფერი აღმოაჩინა და ახლა გვამების გაკვეთის შედეგებს ელოდება.
CNN-მა დამკრძალავ ბიუროსთან კონტაქტი სცადა, თუმცა ნომერი სხვა კომპანიის სატელეფონო ცენტრს ეკუთვნოდა.