ოჯახური ძალადობა

გორში მამაკაცმა დედა დაჭრა, ცოლს სცემა, შვილს კი პირში იძულებით "გაურკვეველი წამლები" ჩაუდო

0 კომენტარი
ფოტო: შსს

რამდენიმე დღის წინ, გორში, ახალგაზრდა მამაკაცმა ცოლს სცემა, დედა დაჭრა, ხოლო, გავრცელებული ინფორმაციით, შვილს პირში ნარკოტიკები ჩაუდო.

შვილის მიმამართ ნარკოტიკული საშუალებების იძულებით პირში ჩადებასთან დაკავშირებით, შსს-ში ტაბულას უთხრეს, რომ ნარკოტიკების ჩატენვას არ ადასტურებენ - "დასტურდება გაურკვეველი სამედიცინო მედიკამენტების იძულებითი ჩატენვის ფაქტი, მაგრამ უცნობია რა ტიპის მედიკამენტების", - უთხრეს ტაბულას შსს-ში.

უწყების ცნობით, მამაკაცი დაკავებულია. გამოძიება სისხლის სამართლის კოდექსის 260-ე [ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება] და 126-ე პრიმა მულით [რაც გულისხმობს ოჯახის ერთი წევრის მიერ მეორის მიმართ ძალადობას, სისტემატურ შეურაცხყოფას, შანტაჟს, დამცირებას, რამაც გამოიწვია ფიზიკური ტკივილი ან ტანჯვას. დანაშაული ისჯება საზოგადოებისათვის სასარგებლო შრომით ვადით 80-დან 150 საათამდე, ხოლო თუ იგივე ქმედება ჩადენილია არაერთგზის, არასრულწლოვნის თანდასწრებით, ორსული ქალის, ასევე, ორი ან მეტი პირის მიმართ, სანქციის სახით გათვალისწინებულია საზოგადოებისათვის სასარგებლო შრომა ვადით 100-დან 200 საათამდე, თავისუფლების შეზღუდვას ვადით ერთ წლამდე, ან თავისუფლების აღკვეთას ვადით ერთ წლამდე] მიმდინარეობს

ახალი ვიდეო მეტი ვიდეო

ლაშა ბუღაძე

კომენტარები