საგანგებო სიტუაციების მართვის სამსახურის ინფორმაციით ბაღდათში, სოფელ ზეკართან ტყე იწვის. დამწვარია დაახლოებით 5 ჰექტარი ფართობი.
განცხადების მიხედივთ, რთული რელიეფის გამო ადგილზე სახანძრო-სამაშველო ტექნიკის მისვლა გართულებულია, რის გამოც საგანგებო სიტუაციების მართვის სამსახურმა ხანძრის ეპიცენტრში ცოცხალი ძალის მობილიზება მოახდინა.
ადგილზე მუშაობს 55 მეხანძრე-მაშველი და დასახლებულ ტერიტორიებზე ცეცხლის გავრცელების საშიშროება არ არსებობს.
