ლარი დოლართან 1.1 თეთრით, ხოლო ევროსთან 0.4 თეთრით გამყარდა. ეროვნული ბანკის მონაცემებით, ერთი ამერიკული დოლარის ოფიციალური კურსი 2.7045 ლარია, ერთი ევროსი - 3.0474 ლარი.
ლარი ბრიტანულ ფუნტთანაც გამყარდა, ხოლო თურქულ ლირასთან - გაუფასურდა.
ლარმა განსაკუთრებული ტემპით გაუფასურება ერთი თვის წინ დაიწყო. ამ დროის მანძილზე, საქართველოს ეროვნულ ბანკს ლარის გასამყარებლად ინტერვენციები არ განუხორციელებია. პირიქით, სებ-მა 9 ნოემბერს $10 მილიონი შეისყიდა. ამ მასშტაბის ინტერვენციის მიუხედავად, იმ დღეს ლარი რამდენიმე თეთრით გამყარდა. ასევე, ლარი მცირედით მყარდება ბოლო რამდენიმე დღეა.
