შსს-ის ცნობით, 14 ნოემბერს დუშეთის რაიონში, საღამოს საათებში, საგზაო სამუშაოების შესრულებისას ავტოსაგზაო შემთხვევის შედეგად გზიდან გადავიდა და ჟინვალჰესის წყალსაცავში ჩავარდა ბეტონმზიდი.
უწყება აცხადებს, რომ შემთხვევის ადგილზე საგამოძიებო და სამაშველო-სამძებრო ღონისძიებები დაუყოვნებლივ დაიწყო. სამართალდამცველები და მაშველები მძღოლს, 1965 წელს დაბადებულ ი.ჟ-ს ეძებენ.
გამოძიების პირველადი ინფორმაციით, ჟინვალი-თვალივის საავტომობილო გზაზე სამუშაოებს კერძო კომპანია ასრულებს, ი,ჟ სწორედ ამ კომპანიის თანამშრომელი იყო.
გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
