საგანგებო სიტუაციების მართვის სამსახურის ცნობით, ჟინვალის წყალსაცავში ჩავარდნილი კაცის ცხედარი ნაპოვნია. ამ წუთებში მისი ამოყვანისთვის საჭირო სამუშაოები მიმდინარეობს.
მათივე ცნობით, ცხედრის ამოყვანამდე საჭიროა წყლის ქვეშ დამატებითი სამუშაოების ჩატარება. ადგილზე იმყოფება 5 სამაშველო ჯგუფი, ასევე სამუშაოებში ჩართული არიან მყვინთავები.
წყალსაცავში ბეტონმზიდი გუშინ ჩავარდა. ამ დრომდე მის მძღოლს, 53 წლის კაცს ეძებდნენ.
საგანგებო სიტუაციების მართვის სამსახურის ცნობით, სამუშაოებს მაშველების 20-კაციან ჯგუფთან ერთად ჟინვალჰესის მფლობელი კომპანია და ყველა შესაბამისი სამსახური აწარმოებდა.
გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
