ბოლნისში, სოფელ ქვევში 70 წლის მამაკაცის ცხედარი იპოვეს.
შინაგან საქმეთა სამინისტროში ტაბულას უთხრეს, რომ ცხედარი ექსპერტიზაზეა გადასვენებული. უწყების ცნობით, ამ ეტაპზე დამატებითი ინფორმაცია ჯერჯერობით უცნობია.
გამოძიება საქართველოს სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს. ისჯება თავისუფლების აღკვეთით ვადით შვიდიდან თხუთმეტ წლამდე.
