არჩევნები 2018

კობახიძე: საარჩევნო სიები ფოტოსურათებით ყველა პოლიტიკური პარტიისთვის ხელმისაწვდომია 

ქართული ოცნება

საქართველოს პარლამენტის თავმჯრომარემ, პარტია "ქართული ოცნების" აღმასრულებელმა მდივანმა, ირაკლი კობახიძემ არჩევნების მიმდინარეობისას გამოვლენილ დარღვევებზე კომენტარი გააკეთა. მისი თქმით 

"ნაციონალური მოძრაობის აქტივისტები ცდილობენ ჩვენს აქტივისტებს საარჩევნო სიები წაართვან. მე მინდა კიდევ ერთხელ განვმარტო , რომ ეს სიები ჩვენს აგიტატორებს აქვთ აბსოლუტურად კანონიერად. ეს არის კანონმდებლობით გარანტირებული თითოეული საარჩევნო სუბიექტისთვის. ასეთი სიები აქვთ როგორც ჩვენს აგიტატორებს, ისე სხვა პოლიტიკური სუბიექტების აგიტატორებს.  ეს არის კანონით დაშვებული. მე არ ვიცი კიდევ ერთი ტყუილია თუ თავის მოტყუება რასაც ვხედავთ რუსთავი 2-ზე. ისინი მუდმივად ცდილობენ საკითხის ისე წარმოჩენას, თითქოს ვინმეს უკანონოდ აქვს ეს სიები. მოვუწოდებთ ნაცმოძრაობის აქტივისტებს თავი შეიკავონ პროვოკაციებისგან, რა თქმა უნდა პროვოკაციაა, თითოეული მცდელობა ჩვენს აქტივისტებს წაართვან საარჩევნო სიები." - თქვა მან.

კობახიძემ არჩევნების მეორე ტურში დაფიქსირებულ აქტივობაზეც ისაუბრა:

"მინდა აღვნიშნო, რომ ფიქსირდება 3 საათის მონაცემებით უპრეცედენტო აქტივობა. იყო უამრავი სპეკულაცია არჩევნების დღესთან დაკავშირებით, ჩვენ მაშინვე აღვნიშნავდით, რომ ამ დღეს, ოთხშაბათ დღეს არ იქნებოდა არანაირი უარყოფითი გავლენა აქტივობაზე და ჩვენი ნათქვამი რეალურად გამართლდა. აქაც ნახავდით, რომ ნაცმოძრაობის ტელევიზიაში რუსთავი 2-ში იყო აბსოლუტურად კომიკური ვითარება , როდესაც ისინი ცდილობდნენ ჟურნალისტები, ე.წ. ჟურნალისტები ცდილობდნენ ვითარება ისე წარმოეჩინათ, თითქოს იყო დაბალი აქტივობა." თქვა მან.

შეგახსენებთ, რომ 12:00-სთვის, ამომრჩეველთა აქტივობა 19.6%-ია. ეს 688 551 ამომრჩეველია. არასამთავრობო ორგანიზაციების, ისევე როგორც ოპოზიციური პარტიების დამკვირვებლები ამბობენ, რომ მთავარი დარღვევა, რაც უბნებზე ამ დროისთვის გამოიკვეთა, ამომრჩევლის ნების კონტროლი და ხმის მიცემის ფარულობის დარღვევაა. 

კომენტარები