კალათბურთი

კალათბურთში საქართველოს სუპერთასი 12 დეკემბერს გათამაშდება

0 კომენტარი
ფოტო: საქართველოს კალათბურთის ფედერაცია

საქართველოს სუპერთასი 12 დეკემბერს გათამაშდება. ლეგენდარული მწვრთნელისა და მოთამაშის, ოთარ ქორქიას სახელობის ტიტულს “დინამო თბილისი” და “ქუთაისი” გაითამაშებენ.

ტრადიციულად, სუპერთასი სეზონის დასასრულს, მაისის თვეში იმართებოდა, თუმცა გუნდებისთვის მოსახერხებლად, 2 წელია, ამ ტიტულის გათამაშებამ სეზონის დასაწყისში გადმოინაცვლა. სუპერთასისთვის ერთმანეთს ჩემპიონი და საქართველოს თასის მფლობელი გუნდები უპირისპირდებიან.

გასული სეზონის სუპერლიგის გამარჯვებული “დინამოა”, ხოლო თასის მფლობელი – “ქუთაისი”. სწორედ ეს გუნდები შეხვდნენ წინა, 2017-18 წლების სეზონის სუპერთასის გათამაშებაში და მაშინ ტიტული დინამოელებს დარჩათ.

ოთარ ქორქიას სახელობის სუპერთასის მატჩი თბილისის ოლიმპიურ სასახლეში, 12 დეკემბერს, 16:00 საათზე გაიმართება.

არჩევნები 2018

ახალი ვიდეო მეტი ვიდეო

ნანი ბრეგვაძემ და სტეფანემ დუეტი ჩაწერეს (ვიდეო)

კომენტარები