ლიბიაში დაკარგული მეზღვაურის ცხედარი იპოვეს. ინფორმაცია ტაბულას საზღვაო სატრანსპორტო სააგენტოში დაუდასტურეს.
სამსახურის განცხადებით, პირველადი დათვალიერებით, ნაპოვნი ცხედარი სწორედ მეზღვაურ დავით რაზმაძეს ეკუთვნის.
"ტარდება ექსპერტიზა და დანარჩენი დეტალების გარკვევა", - თქვეს სააგენტოში.
22 წლის დავით რაზმაძეს 2 კვირის განმავლობაში ეძებდნენ. ის ლიბიაში მორიგეობის დროს 7 იანვარს დაიკარვა. რუსთავი 2-ის ცნობით, რაზმაძის გაუჩინარება მისმა შემცვლელმა აღმოაჩინა და ადგილობრივ პოლიციას მიმართა.
საზღვაო ტრანსპორტის სააგენტოს ცნობით, მეზღვაურის გაუჩინარების შესახებ უწყებაში შეტყობინება 16 იანვარს შევიდა.
