საქართველომ ვენესუელას ოპოზიციის ლიდერი, ხუან გუაიდო ქვეყნის გარდამავალ პრეზიდენტად აღიარა.
ამის შესახებ ინფორმაცია, საქართველოს საგარეო საქმეთა მინისტრმა, დავით ზალკალიანმა Twitter-ით გაავრცელა.
"ვენესუელაში ჩატარებული არალეგიტიმური არჩევნების ფონზე, საქართველო ხუან გუაიდოს გარდამავალ პრეზიდენტად აღიარებს. საქართველო მიესალმება ჩვენი პარტნიორების განცხადებებს და მხარს უჭერს ვენესუელელ ხალხს მათ ბრძოლაში დემოკრატიის და თავისუფლებისთვის",- წერს ზალკალიანი.
შეგახსენებთ, რომ ვენესუელის ნაციონალური ასამბლეის ლიდერმა, ხუან გუაიდომ თავი ქვეყნის პრეზიდენტად გამოაცხადა. ხუან გუაიდოს მხარს უჭერს აშშ-ს პრეზიდენტი დონალდ ტრამპი. მისი თქმით, გუადიოქვეყნის ოფიციალური და ლეგიტიმური მმართველია.
