ფილიპინებზე, კათოლიკურ ეკლესიასთან მომხდარი ორი აფეთქების შედეგად 27 ადამიანი დაიღუპა.
BBC-ის ცნობით, აფეთქება ფილიპინების სამხრეთით, სოლოს კუნძულზე მოხდა.
გავრცელებული ინფორმაციით, გარდაცვლილთაგან 20 მშვიდობიანი მოქალაქე, ხოლო 7 სამხედრო პირია. დაშავდა ათობით ადამიანი.
პირველი ბომბი მაშინ აფეთქდა, როდესაც ეკლესიაში წირვა მიმდინარეობდა. მეორე ასაფეთქებელი მოწყობილობა ეკლესიასთან ახლოს გაჩერებულ ავტომობილში ამოქმედდა.
მომხდარზე პასუხისმგებლობა ჯერ არავის აუღია.
ფოტო: bbc
