ხულოში, სოფელ პაქსაძეებში გაჩენილი ხანძრის შედეგად მეჩეთის დამხმარე ნაგებობა დაიწვა.
საგანგებო სიტუაციების მართვის სამსახურის ინფორმაციით, ამ დროისთვის ხანძარი ლიკვიდირებულია, დამწვარია 70 კვ. მ. ფართი.
"მეხანძრე-მაშველების დროული რეაგირების შედეგად ხანძარი არ გავრცელდა მეჩეთზე," - ნათქვამია უწყების მიერ გავრცელებულ განცხადებაში.
მათივე ცნობით, შემთხვევის შედეგად არავინ დაშავებულა, ადგილზე მუშაობდა 3 სახანძრო-სამაშველო ჯგუფი.