საქართველოს პრეზიდენტმა მიმდინარე მოვლენებთან დაკავშირებით მედიის კითხვებს არ უპასუხა. ჟურნალისტებს, მათ შორის, თიბისი ბანკის საქმეზე აინტერესებდათ სალომე ზურაბიშვილის აზრი.
პრეზიდენტი სამების საკათედრო ტაძარში იმყოფებოდა, სადაც შენდობის დღის აღსანიშნავი წირვა კათოლიკოს-პატრიარქმა, ილია მეორემ აღავლინა.
"შემინდეთ და მომიტევეთ და რაც მთავარია, ერთმანეთს შევუნდოთ", - უთხრა ჟურნალისტებს სალომე ზურაბიშვილმა და ტერიტორია დატოვა.
