რუსეთი

რუსულმა კომპანიამ "კალაშნიკოვიანი" დრონის პატენტი შექმნა [ფოტოები]

0 კომენტარი

რუსულმა იარაღის მწარმოებელმა კომპანიამ Almaz-Antey-მ დრონის მოდელი დააპატენტა, რომელიც "კალაშნიკოვით" არის აღჭურვილი.

გავრცელებულ ფოტოებში ჩანს, რომ დრონის ერთადერთი ფუნქცია სწორედ AK-47-ის გადატანაა. უცნობია როგორ იფუნქციონირებს დრონი.

AK-47 იარაღს დრონის კორპუსი მთლიანად არ ფარავს და როგორც აღნიშნავენ მისი აეროდინამიურობის გასაზრდელად იარაღის დიზაინში ცვლილებაც არ შეუტანიათ. 

აღსანიშნავია, რომ მიმდინარე წელს თავად კომპანია Kalashnikov-მა კამიკაძე-დრონი შექმნა, რომელიც ასაფეთქებელი მოწყობილობით იქნება აღჭურვილი.

ფოტო: theguardian

გასულ წელს Kalashnikov-მა საბრძოლო ოპერაციებისთვის განკუთვნილი რობოტი Igorek-ი წარადგინა, რომელიც ფუნქციური არ გამოდგა, რასაც ინტერნეტში დაცინვა მოჰყვა.

წლის ბოლოს კი რუსეთში გამართულ ტექნოლოგიის კონფერენციაზე წარმოდგენილი ყველზე დახვეწილი და მაღალტექნოლოგიური რობოტი, სახელად ბორისი, სინამდვილეში ფორმაში გამოწყობილი კაცი აღმოჩნდა.

არჩევნები 2018

ახალი ვიდეო მეტი ვიდეო

ბესელია კილაძეს: დაწყნარდი, შეგიძლია, გაიარ-გამოიარო და შემდეგ შემოხვიდე

კომენტარები