აშშ

ამერიკელმა კონგრესმენმა ოფისში მთელი დღე სხვადასხვა ფერის ფეხსაცმელებში გაატარა

0 კომენტარი

ამერიკელ კონგრესმენის, მერი გეი სკანლონის, ფეხსაცმელების ფოტო Twitter-ის მომხმარებლებში ვირუსულად გავრცელდა. საქმე ის არის, რომ რესპუბლიკელ კონგრესმენს სამსახურში ერთი მოდელის, თუმცა სხვადასხვა ფერის ფეხსაცმელები ეცვა. 

ფოტო თავად კონგრესმენმა გამოაქვეყნა Twitter-ის ოფიციალურ გვერდზე: 

"დღის 4:04 საათია და ახლა შევამჩნიე, რომ მთელი დღე 2 სხვადასხვა ფეხსაცმლით დავდივარ".

მის მიერ გაზიარებულ ფოტოზე ჩანს, რომ მას მარჯვენა ფეხზე ლურჯი ფეხსაცმელი აცვია, ხოლო მარცხენაზე - შავი.

გამომდინარე, იქიდან, რომ სიჩქარისა და გადაღლილობის დროს ადამიანები ხშირად იქცევიან უცნაურად, Twitter-ის პოსტს მომხმარებლების მხრიდან დიდი გამოხმაურება მოყვა, სადაც ადამიანები თავიანთ მსგავს ისტორიებს იხსენებდნენ. ერთერთმა მომხმარებელმა მას საკუთარი ფოტო დაუდო კომენტარებში, სადაც აბსოლუტურად სხვადასხვა მოდელის ფეხსაცმელები აცვია, შემდეგი აღწერით: "წელიწადში ერთხელ მაინც ვიქცევი ასე! კარგ კომპანიაში მოხვდი!"

Teen Vogue-ისთვის მიცემულ ინტერვიუში სკანლონი ხსნის, რომ მთელი დღის განმავლობაში ძალიან ბევრი საქმე ჰქონდა და ამის გამო ვერ შეამჩნია, რომ სხვადასხვა ფეხსაცმელი ეცვა. 

"როგორც ყოველთვის, ძალიან გადატვირთული დღე იყო. მერე, დაახლოებით 4 საათისთვის, სავარძელზე დავჯექი ოფისში თანამშრომლებთან სასაუბროდ და სწორედ ამ დროს ერთერთმა მიმითითა, რომ სხვადასხვა ფეხსაცმელი მეცვა. თუმცა, გამოცვლის დრო არ მქონდა მანამ, სანამ კიდევ ერთ 4-საათიან შეხვედრას არ ჩავატარებდი. ვფიქრობ, ხალხის რეაქცია გასაოცარი იყო. მათ გააცნობიერეს, რომ მათ მიერ არჩეული წარმომადგენელიც ზოგჯერ სხვადასხვა ფეხზე სხვადასხვა ფეხსაცმელს იცვამს,"- ამბობს რესპუბლიკელი კონგრესმენი. 

მერი გეი სკანლონი მართლმსაჯულების კომიტეტის ვიცე თავმჯდომარე და საკანონმდებლო კომიტეტის წევრია, ასე რომ, გასაგებია, თუ რატომ ჰქონდა ძალიან ბევრი საქმე. 

არჩევნები 2018

ახალი ვიდეო მეტი ვიდეო

უკრაინის ეკლესიის ავტოკეფალია - მღვდელი ლეონ გელოვანი

კომენტარები