Game of thrones

HBO-მ მსოფლიოს გარშემო 6 რკინის ტახტი დამალა, რომელიც ფანებმა უნდა იპოვონ

0 კომენტარი

Game of Thrones-ის ფინალური სეზონის პრემიერამდე თვეზე ნაკლები რჩება.

HBO-მ კი ახალი კამპანია წამოიწყო სახელად "სამეფო ტახტისთვის". კომპანიამ მსოფლიოს გარშემო 6 რკინის ტახტი დამალა და ვიდეო მიმართვაში, რომელიც სერიალის ოფიციალურ გვერდზე გავრცელდა, მსახიობები ფანებს დამალული ტახტის პოვნისკენ მოუწოდებენ, - "სამეფო ტახტის ძიება დაიწყო".

HBO-მ აღნიშნული კამპანია ამერიკულ წითელ ჯვართან ერთად წამოიწყო, რომელიც ფანებს სისხლის გაღებისკენ მოუწოდებს, - "ვესტეროსმა დაღვარა სისხლი ტახტისთვის, ახლა შენი დროა, გაეცი სისხლი დღეს და გადაარჩინე სიცოცხლე."

ფოტო: www.forthethrone.com
პირველი სამეფო ტახტი ტყეშია დამალული, მის საპოვნელად ფანებს გარკვეული დრო აქვთ. მომდევნო 5 ტახტის ადგილსამყოფელიც forthethrone.com-ზე განთავსდება.

Game of Thrones-ის მერვე, ფინალური სეზონი 2019 წლის 14 აპრილს გამოვა.

ნახეთ თითოეული სერიის ხანგრძლივობა, საბოლოო ტრეილერი და წაიკითხეთ ყველაფერი, რაც ახალი სეზონის შესახებ უნდა იცოდეთ აქ.

არჩევნები 2018

ახალი ვიდეო მეტი ვიდეო

ნატა ტალიკიშვილი

კომენტარები