ბალის აეროპორტში რუსი კაცი დააკავეს, რომელსაც ინდონეზიიდან რუსეთში ორანგუტანი გადაჰყავდა

ინდონეზიის კუნძულ ბალის აეროპორტში რუსი კაცი დააკავეს, რომელიც ინდონეზიიდან ორანგუტანის წამოყვანას ცდილობდა. 

დენპასარის აეროპორტში სამართალდამცავების მხრიდან ანდრეი ჟესტკოვის გაჩერების შემდეგ, მათ კალათში დამალული 2 წლის მამრობითი სქესის ორანგუტანი იპოვეს. 

ჟესტკოვმა სამართალდამცველებს უთხრა, რომ პრიმატი მას მეგობარმა აჩუქა, რომელმაც მასში $3 000 გადაიხადა. ორანგუტანები დაცულ სახეობას წარმოადგენენ და სწორედ ამიტომ ჟესტკოვს, შესაძლოა, 5-წლიანი პატიმრობა მიესაჯოს. 

მედიის ცნობით, რუს კაცს ჩანთაში ასევე ნემსები და ნარკოტიკები აღმოუჩინეს. ასევე, მას ჩემოდანში 7 ცოცხალი ხვლიკი ჰყავდა. 

ადგილობრივი სამართალდამცავების ცნობით, 27 წლის ანდრეი ჯესტკოვი ამტკიცებს, რომ ის თავისმა, ასევე რუსმა მეგობარმა დაარწმუნა, რომ მას ინდონეზიიდან ორანგუტანის რუსეთში შინაურ ცხოველად წაყვანა შეეძლო.