salone del mobile

ინტერიერის დიზაინის მთავარი ტენდენციები Salone del Mobile.Milano-ს 2019 წლის გამოფენიდან

0 კომენტარი

ავეჯისა და ინტერიერის დიზაინის მსოფლიოს ერთერთი ყველაზე პოპულარული და ხალხმრავალი გამოფენა Salone Del Mobile.milano დასრულდა.

ინსტალაციები და პრეზენტაციები 6 დღის განმავლობაში მსოფლიოს 180-მდე ქვეყნიდან 400 ათასამდე ადამიანმა იხილა. პავილიონები, წელსაც, ტრადიციულად, ქალაქგარეთ, როს ტეროტორიაზე, 205 ათას კვადრატულ მეტრზე იყო განლაგებული - თუმცა ეს გამოფენის მხოლოდ ნაწილია. მასთან დაკავშირებულმა კულტურულმა ღონისძიებებმა მთელი ქალაქი მოიცვა.

ამ სფეროთი დაინტერესებულ ადამიანებს განსაკუთრებით დააინტერესებთ ტენდენციები, რომელიც წლევანდელ გამოფენაზე შეიმჩნეოდა, რადგან დამთვარიელებელს სწორედ აქ ეძლევა საშუალება, დააკვირდეს სიახლეებს, რასაც მომდევნო წლებში ყველა მასობრივ ბაზარზე გათვლილი პროდუქციის მწარმოებლების დახლებზე შეხვდება.

მილანის ავეჯის დიზაინის კვირამ სხვადასხვა ტენდენცია გამოკვეთა. წარმოგიდგენთ ზოგიერთ მათგანს:

მასალის მდგრადობა და ხელახლა გამოყენება

გარემოს მიმართ მზრუნველობა ავეჯისა და სხვა ნივთების წარმოებაშიც ფეხს იკიდებს და სულ უფრო პოპულარული ხდება. მყიდველი მეტად ითხოვს ეკო-მეგობრულობას, შესაბამისად, მწარმოებლები ცდილობენ, ახალი გზები მოიძიონ და ამ პრინციპით ისეთი პროდუქცია შექმნან, რომელიც თან მიმზიდეველი და ფუნქციურია.

“ხეტიალი“

გარემოსთვის ზიანის მიყენების შემცირების სურვილთან ერთად, ადამიანები სულ უფრო ხშირად ცდილობენ, ისე იცხოვრონ, რომ მუნიციპალურ და სხვა საერთო სერვისებზე არ იყვნენ დამოკიდებულნი. ეს ტენდენცია გამოფენაზეც აისახა - სწორედ ეს ხსნის, რომ აქ წარმოდგენილი ნივთები, როგორც წესი, ადვილად ტრანსპორტირებადია და ხშირ შემთხვევაში, მათი ტრანსფორმაციაც მარტივადაა შესაძლებელი.

ემოციური კმაყოფილება

მნიშვნელოვანი ის კი არ არის, როგორ გამოიყურება თქვენი სახლი ახალი ავეჯით, არამედ ის, თუ როგორ გაგრძნობინებთ ის თავს - ეს ტენდენცია წელსაც გაგრძელდა - ავეჯი, ინტერიორი და სხვადასხვა ნივთები, მათ შორის ტექნოლოგიების გამოყენებითაც, სწორედ ემოციური კმაყოფილების მოგვრაზე ფოკუსირდებიან.

გარემო, სადაც ნივთები უნდა შეიძინოთ

კომპანიებმა იციან, რომ მომხმარებელი სულ უფრო და უფრო ნივთებზე მეტად გამოცდილებებს აფასებს, რაც ფულის ხარჯვის ჩვევებსაც ცვლის. მყიდველი დასაბრუნებლად, მწარმოებლები სულ უფრო მეტად ცდილობენ, მათ მაღაზიებში შესულმა ადამიანებმა თავი ისე იგრძნონ, როგორც სახლში. ცდილობენ, ყიდვის ახლებული პროცესი შესთავაზონ - გარემოში, რომელიც მათ სახლს წააგავს.

განათება

ცალკე შეგვიძლია გამოვყოთ ტექნოლოგიური ინოვაციები და ტენდენციები განათების სფეროში. შიდა და გარე განათებები, ინდუსტრიული, შოუებისა და ღონისძიებების განათება, სახლის განათების ავტომატური სისტემები - ამ სფეროს უმთავრესი სიახლეები განათების საერთაშორისო გამოფენაზე Euroluce იყო წარმოდგენილი. ეს გამოფენა Salone del mobile-ს ნაწილია და ორ წელიწადში ერთხელ იმართება. ითვლება, რომ ხსენებული გამოფენა ერთერთია, რომელიც ამ სექტორში სტანდარტებს აწესებს.

2019 წლისთვის გამოფენაზე წარმოდგენილი განათებები კიდევ უფრო მეტად „ჭკვიანი“ და სივრცესთან ინტეგრირებული იყო. ამასთან, სურვილმა, რომ უკაბელო განათება მეტად დაინერგოს, დახვეწა ისეთი განათებები, რომელთა ტარება და გადატანა მარტივადაა შესაძლებელი.

ერთერთი მთავარი გამოწვევა, რაც დღეს ამ სფეროში უდგათ, არის სურვილი, ერთდროულად მიაღწიონ ენერგოეფექტურობას, გამძლეობას და ღირებულების კლებას. ამიტომ, განათების ახალი სისტემები ცდილობენ, ერთმანეთს შეუთავსონ ტრადიციული მოთხოვნები და მაღალი ხარისხის LED და OLED განათებები.

2019 წლის Salone del Mobile ლეონარდო და ვინჩის მიეძღვნა - მილანში წელს მხატვრისა და გამომგონებლის გარდაცვალების 500 წლისთავს აღნიშნავენ.

ახალი ვიდეო მეტი ვიდეო

ძალადობა და დაჭრა - ირანის მოქალაქეებზე თავდასხმისთვის თბილისში ორი პირი დააკავეს (ვიდეო)

კომენტარები