თბილისში მომხდარი ავტოავარიის შედეგად ერთი ახალგაზრდა დაიღუპა. როგორც ტაბულას შინაგან საქმეთა სამინისტროში უთხრეს, ავარია გუშინ ღამით მოხდა და მანქანაში სულ 4 ადამიანი იყო. უწყებაში ამბობენ, რომ მანქანა ხეს შეეჯახა. გარდაცვლილია 16 წლის ადამიანი.
შსს-ს ინფორმაციით, გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ავტომობილის,უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
