ჟურნალმა Time-მა 2019 წლის 100 ყველაზე გავლენიანი სია გამოაქვეყნა.
ადამიანები სიაში 5 კატეგორიის მიხედვით დაიყვნენ - პიონერები, არტისტები, ლიდერები, საკულტო ფიგურები და ტიტანები.
ნახეთ როგორ გადანაწილდნენ ცნობილი ადამიანები კატეგორიებში.
პიონერები
ამ ჯგუფში ჟურნალმა 26 ადამიანი შეიყვანა, მათ შორის არიან - გრეის ანატომიის მსახიობი სანდრა ოჰ, ამერიკელი მოდელი კრისი ტეიგენი, იტალიელი შეფ-მზარეული მასიმო ბოტურა, ჩოგბურთელი ნაომი ოსაკა, ჩინელი ბიოფიზიკოსი ჰე ჯიანკუი და სხვები.
არტისტები
ამ კატეგორიაში 21 ადამიანი მოხვდა, მათ შორის არიან - Game of Thrones-ის მსახიობი ემილია კლარკი, კორეული ბენდი BTS, მომღერალი არაინა გრანდი, მსახიობი რემი მალეკი, ასევე Game of Thrones-ის მსახიობი რიჩარდ მეიდენი, მსახიობი მაჰერშალა ალი და სხვები.
ლიდერები
ამ კატეგორიაში ჟურნალმა 26 ადამიანი შეიყვანა, მათ შორის არიან - ამერიკის კონგრესის წარმომადგენლობითი პალატის დემოკრატი ლიდერი ნენსი პელოსი, აშშ-ის პრეზიდენტი დონალდ ტრამპი, დემოკრატიული პარტიის წევრი ალექსანდრია ოკაზიო-კორტესი, ისრალეის პრემიერმინისტრი ბენჟამინ ნეთანიაჰუ, პაპი ფრანცისკე და სხვები.
საკულტო ფიგურები
ამ კატეგორიაში სულ 15 ადამიანი მოხვდა, მათ შორის არიან - ტეილორ სვიფტი, აშშ-ის ყოფილი პირველი ლედი მიშელ ობამა, ლედი გაგა, ვალენტინოს კრეატიული დირექტორი პიერპაოლო პიჩიოლი და სხვები.
ტიტანები
ეს კატეგორია მეხუთე და უკანასკნელია, რომელშიც 16 ადამიანი მოხვდა, მათ შორის არიან - საფეხბურთო გუნდის ლივერპული ვარსკვლავი მუჰამედ სალაჰი, ტაიგერ ვუდსი, ამერიკული ფეხბურთის მოთამაშე ალექს მორგანი, ბიზნესმენი მუკეშ ამბანი და სხვები.
ნახეთ ჟურნალ Time-ის სრული სია აქ.