საქსტატი აქვეყნებს 2019 წლის პირველი სამი თვის დეტალურ მონაცემებს საქართველოს საგარეო ვაჭრობაზე, რომლის მიხედვითაც იანვარ-მარტში საქართველოდან ევროკავშირის ქვეყნებში 196 მილიონი აშშ დოლარის ღირებულების პროდუქცია გავიდა. გასული წლის ანალოგიურ პერიოდთან შედარებით, ეს 6.4%-ით ნაკლებია.
ევროკავშირიდან იმპორტი 17.8%-ით შემცირდა და 502.2 მლნ აშშ დოლარი შეადგინა.
იანვარ-მარტში მთლიანი ექსპორტი წლიურად 12.8%-ით გაიზარდა, რაც დიდწილად დსთ-ს ქვეყნებზე მოდის. წინა წლის შესაბამის პერიოდთან შედარებით, დსთ-ს ქვეყნებში 37.4%-ით გაიზარდა ექსპორტი.
ჯამში, დსთ-ს ქვეყნების წილი მთლიან ექსპორტში 50.4% იყო, ევროკავშირისა კი 23.7%.
მთლიან იმპორტში დსთ-ს ქვეყნების წილმა 29.1% შეადგინა, ევროკავშირისამ - 25.3%.
უმსხვილესი საექსპორტო ქვეყნების პირველი ხუთეული ასე გამოიყურება:
- რუსეთი - მთლიანი ექსპორტის 16.4%
- აზერბაიჯანი - 10.3%
- ბულგარეთი - 8.2%
- სომხეთი - 7.6%
- უკრაინა - 7.5%
ყველაზე მეტი საქონელი იანვარ-მარტში შემდეგი ხუთი ქვეყნიდან შემოვიდა:
- თურქეთი - მთლიანი იმპორტის 16%
- ჩინეთი - 11.2%
- რუსეთი - 9.7%
- აზერბაიჯანი - 9.5%
- აშშ - 4.7%
ჯამში, საქართველოს ყველაზე მსხვილი სავაჭრო პარტნიორი ისევ თურქეთი იყო, მთლიანი ბრუნვის 13.3%-ით. მას მოსდევენ რუსეთი 11.6%-ით და აზერბაიჯანი 9.7%-ით.