ტყის ხანძრები

გუდამაყრის ხეობაში ხანძარი ლიკვიდირებულია - დამწვარია ბალახი და ჯუჯა მცენარეები

0 კომენტარი
ფოტო: საგანგებო სიტუაციების მართვის სამსახური

გუდამაყრის ხეობაში, მთის ფერდობზე გაჩენილი ხანძარი ლიკვიდირებულია. 

საგანგებო სიტუაციების სამსახურის ინფორმაციით, დამწვარია 5 ჰექტარზე მეტ ფართობზე არსებული ხმელი ბალახი და ჯუჯა მცენარეები.

უწყებაში ასევე ამბობენ, რომ ადგილზე მთელი ღამის განმავლობაში მუშაობდა 80 მეხანძრე-მაშველი, რომლებიც ნახანძრალი ტერიტორიის მონიტორინგს უწყვეტ რეჟიმში ახორციელებდნენ.

"მთის კლდოვან ნაწილზე ტექნიკის გადაადგილება ვერ მოხერხდა, რის გამოც ალტერნატიული ხანძარსაწინააღმდეგო საშუალებებით აღჭურვილმა მეხანძრე-მაშველებმა, რთული რელიეფის მიუხედავად, ცეცხლის ღია კერების ჩაქრობა რამდენიმე საათში შეძლეს", - ამბობენ საგანგებო სიტუაციების სამსახურში.

გუდამაყრის ხეობაში ხანძარი გუშინ, 25 აპრილს, საღამოს გაჩნდა.

ახალი ვიდეო მეტი ვიდეო

შსს: მაღალტემპერატურულ ღუმელში 55 მლნ ლარის ღირებულების ნარკოტიკი გავანადგურეთ (VIDEO)

კომენტარები