მალხაზ მაჩალიკაშვილის საქმე

მალხაზ მაჩალიკაშვილი ხვალ სუს-ში გამოკითხვაზე არ მივა

0 კომენტარი
ფოტო: ანა კორკელია

მალხაზ მაჩალიკაშვილი ხვალ სუს-ში გამოკითხვაზე არ მივა - ამის შესახებ ტაბულას მაჩალიკაშვილის ადვოკატმა მარიამ კუბლაშვილმა უთხრა.

მარიამ კუბლაშვილის თქმით, მალხაზ მაჩალიკაშვილი სუს-ში გამოკითხვაზე ზეგ, 10 მაისს მივა. 

"ადვოკატებმა დრო ვერ დავამთხვიეთ" - ასე უპასუხა ტაბულას მარიამ კუბლაშვილმა კითხვაზე რატომ არ მიდის მალხაზ მაჩალიკაშვილი ხვალ სუს-ში გამოკითხვაზე.

სახელმწიფო უსაფრთხოების სამსახური მაჩალიკაშვილს ტერორისტული აქტის ორგანიზებით რამდენიმე პირის მკვლელობის მცდელობაში ადანაშაულებს.

კერძოდ, უწყებამ მალხაზ მაჩალიკაშვილისა და მისი ძმისშვილის ფარული ჩანაწერი გამოაქვეყნა, სადაც დიალოგი ქისტურ ენაზე მიმდინარეობს.

სუს-ის ცნობით, მაჩალიკაშვილი ტერორისტული აქტის ჩადენას დედოფლისწყაროს რაიონის სოფელ მაჩხაანში, სუს-ის უფროსის ყოფილი პირველი მოადგილის, იოსებ გოგაშვილის, მამის საფლავზე, იოსებ გოგაშვილისა და მისი თანმხლები პირების მისვლის დროს აპირებდა.

ახალი ვიდეო მეტი ვიდეო

ლაშა ბუღაძე

კომენტარები