ზუგდიდის მერის არჩევნები 2019

სანდრა რულოვსი ზუგდიდის მერობის "ოცნების" კანდიდატს ღია დებატებში იწვევს 

0 კომენტარი
ფოტო: facebook

ოპოზიციური გაერთიანება ძალა ერთობაშიას ზუგდიდის მერობის კანდიდატმა სანდრა რულოვსმა ქართული ოცნების კანდიდატი გეგა შენგელია დებატებში გამოიწვია. 

როგორც რულოვსი facebook-ზე გავრცელებულ ვიდეოში ამბობს, შენგელიას მოუწოდებს მას ანაკლიის ამფითეატრში შეხვდეს.

"ეს ადგილი არის ივანიშვილის მიერ გაჭირვებული საქართველოს სიმბოლო. აქვე უნდა ყოფილიყო ქალაქი ლაზიკა. პროექტი, რომელიც ჩემმა მეუღლემ წამოიწყო მაგრამ გაჩერდა. იქ უნდა ყოფილიყო ასი ათასი სამუშაო ადგილი ჩვენი მოქალაქეებისათვის. ლაზიკა დღეს უკვე იქნებოდა მთელი ზუგდიდის, რეგიონის და ქვეყნის განვითარების გასაღები. ჩვენ ივანიშვილის ხელისუფლებასთან სალაპარაკო არ გვაქვს. ხელისუფლებამ რომელმაც მთელი ქვეყანა გააღატაკა. ჩვენ ვესაუბრებით ხალხს. მათ პრობლემებზე და გამოსავლის გზებზე. სწორედ ამიტომ "ოცნების" კანდიდატს ვთავაზობ გავმართოთ ღია საუბარი ხალხთან, ღია სივრცეში და არა ივანიშვილის მიერ მართულ ტელევიზიებში. აი აქ ამ გაჭირვებულ ამფითეატრში, სადაც ჩვენთან ერთად ზუგდიდელები მონაწილეობას მიიღებენ დისკუსიაში. გამოთქვამენ თავის წუხილებს და სადაც ყველა ტელევიზიას ექნება დასწრების და გაშუქების თანაბარი შესაძლებლობა. ზუგდიდიდან იწყება საქართველოს გამარჯვება. ძალა ერთობაშია!",- ამბობს რულოვსი.

ზუგდიდის მერის არჩევნები 19 მაისს ჩატარდება.  

ახალი ვიდეო მეტი ვიდეო

ირაკლი ტაბლიაშვილი

კომენტარები