Tbilisi Newcomers-ის ფინალისტები ცნობილია. 12 მონაწილე Tbilisi Open Air-ის დამფუძნებლებმა და პროდიუსერებმა 21 მუსიკალურ პროექტსა და ჯგუფს შორის შეარჩიეს.
- Beqa
- Dudey
- Enforcement
- Explorers’ Vibe
- Forest Rain
- Four Dimensional Monster Lobsters
- Lasha Pertsuliani
- Leif S
- Mush One
- Ontheroad
- Pitter J
- Tornike Gagoshvili
Tbilisi Newcomers-ის შოუქეისები 8 და 9 მაისს Tbilisi Open Air-ის და პლატფორმა "სარდაფის" ორგანიზებით გაიმართა.
ფინალური კონცერტი 26 მაისს იქნება. გამარჯვებული Tbilisi Open Air-ის მთავარ სცენაზე დაუკრავს.
გარდა ამისა, ფინალისტებს შორის თავისი ფავორიტი ჯგუფის ან პროექტის შერჩევის საშუალება მიეცემა ფესტივალზე მოქმედ 3 სცენას (EYESTAGE - ელექტრონული მუსიკისა და ვიზუალური ხელოვნების სცენა, Garden Stage – Psy Trance სცენა და Singe Stage - აკუსტიკური მუსიკისა და ჯაზის სცენა).
Tbilisi Newcomers მუსიკოსებისა და ბენდების აღმოჩენას 10 წელია ემსახურება. პროექტი Tbilisi Open Air-ის ორგანიზატორთა ინიციატივით 2009 წელს შეიქმნა. ბენდები და მუსიკოსები, ჟანრის მიუხედავად, განაცხადის ფორმას ავსებენ. განაცხადების ავტორ მუსიკოსთა შოუქეისის შემდეგ ფინალური ლაივ კონცერტის მონაწილეები ვლინდებიან. გამარჯვებული პროექტი კი Tbilisi Open Air-ის მთავარ სცენაზე დაკვრის უფლებას იღებს.
Tbilisi Open Air 2019 21-22-23 ივნისს, ლისის ტბის მიმდებარედ გაიმართება. ფესტივალის სტუმრებს წელს შესაძლებლობა ექნებათ მოუსმინონ, მათ შორის, შემდეგ შემსრულებლებს:
- FRANZ FERDINAND
- MOGWAI
- UNKLE
- DAVID AUGUST
- RHYE
- THE SUBWAYS
- MICHELLE GUREVICH
- მწვანე ოთახი