ჰოლივუდის მსახიობი, მომღერალი და ცხოველთა უფლებების დამცველი დორის დეი 97 წლის ასაკში გარდაიცვალა.
ის "ჰოლივუდის ოქროს საუკუნის" ერთ-ერთი გამორჩეული ვარსკვლავი იყო.
გარდაცვალების მიზეზად პნევმონია და ჯანმრთელობის მდგომარეობა სახელდება. დეი საკუთარ სახლში, ოჯახის წევრების გარემოცვაში გარდაიცვალა.
დორის დეი 1922 წლის 3 აპრილს ოჰაიოს შტატში დაიბადა. მუსიკალური კარიერა 15 წლიდან დაიწყო.
მისი მთავარი ჰიტი სიმღერა - Que Sera Sera გახდა, რომელსაც სხვა მომღერლებიც წლების განმავლობაში მღეროდნენ.
ფილმი "დაბრუნდი ჩემო სიყვარულო" 1950-60 წლების ჰიტი გახდა. საერთო ჯამში დეი 30-ზე მეტ ფილმში გადაიღეს.
70-იანი წლებიდან დეი მთლიანად ცხოველების უფლებების დაცვაზე გადაერთო.
ის ოქროს გლობუსის და გრემის არაერთგზის გამარჯვებულია. 2004 წელს კი პრეზიდენტმა ბუშმა ის თავისუფლების მედლით დააჯილდოვა.