ცენტრალურმა საარჩევნო კომისიამ მთაწმინდის ოლქში პარლამენტის შუალედური არჩევნების პირველადი შედეგები გამოაქვეყნა. დათვლილია ყველა (31) უბნის მონაცემები.
წინასწარი შედეგებით, ქართული ოცნების კანდიდატმა ლადო კახაძემ ხმების 41% მიიღო, ევროპული საქართველოს და თავისუფალი დემოკრატების კანდიდატმა შალვა შავგულიძემ კი - 36.83%. მეორე ტური სწორედ ამ ორ კანდიდატს შორის გაიმართება.
მესამე ადგილზე გავიდა დამოუკიდებელი კანდიდატი ლევან იოსელიანი ხმების 6.55%-ით, მას მოსდევს გირჩის კანდიდატი ჰერმან საბო 4.76%-ით.
არჩევნების მეორე ტური 13 ივნისამდე უნდა გაიმართოს.