ხორავას ქუჩის საქმე

ხორავას ქუჩის საქმეზე დაკავებულის მამა: მთავრობამ, პროკურატურამ შეაწმინდეს ხელი ბოლომდე

0 კომენტარი

"ყველას პირობითი აქვს, ხომ გადაამტერეს ერთმანეთს ეს ბავშვები, ყველა ერთმანეთს დაუპირისპირეს. მთავრობამ, მთელმა პროკურატურამ შეაწმინდეს ხელი ბოლომდე და ესე გაგვიმეტეს", - ამბობს ხორავას ქუჩაზე მომხდარი მკვლელობის ფაქტზე დაკავებული დ.ღ-ს მამა.

ცრუ ჩვენების მიცემის საქმეზე ბრალდებულ არასრულწლოვან დ.ღ-ს, საქალაქო სასამართლოს გადაწყვეტილებით, 2 წლითა და 3 თვით პატიმრობა მიესაჯა.

დაკავებულს პატიმრობაში გატარებული 6 თვე სასჯელის მოხდად ჩაეთვლება. იგი სასჯელს 1 წლისა და 9 თვის მანძილზე მოიხდის.

ხორავას ქუჩაზე არასრულწლოვნებმა 2017 წლის 1 დეკემბერს იჩხუბეს. შედეგად, დანით მოკლეს 51-ე სკოლის ორი მოსწავლე - დავით სარალიძე და ლევან დადუნაშვილი. მკვლელობის ბრალდებით, პირველი ექსპერიმენტული სკოლის ერთი მოსწავლე გ.ბ შემთხვევიდან რამდენიმე საათში დააკავეს, მეორე გ.ჯ - სამართალდამცავებს 4 დეკემბერს ჩაბარდა. მათ აღკვეთის ღონისძიებად პატიმრობა შეეფარდათ. გარდა ამისა, დანაშაულის დაფარვისთვის ბრალი წარუდგინეს ხუთ პირს. მათგან პატიმრობა სამ ადამიანს შეუფარდეს. დაკავებულთაგან ერთერთი - შსს-ს თანამშრომელი თენგიზ კალანდია იყო.

2018 წლის 31 მაისს, თბილისის საქალაქო სასამართლომ ხორავას ქუჩაზე არასრულწლოვნების მკვლელობაში ერთ-ერთი ბრალდებული გ.ბ დავით სარალიძის მკვლელობის ნაწილში გაამართლა და ლევან დადუნაშვილის მკვლელობის ნაწილში გაამტყუნა, ხოლო მეორე ბრალდებულს გ.ჯ-ს ბრალი გადაუკვალიფიცირა და სარალიძის მკვლელობის მცდელობაში ცნო დამნაშავედ. ამის შემდეგ, თბილისში მრავალრიცხოვანი საპროტესტო აქციები დაიწყო, რომლის ორგანიზატორიც დაღუპული მოზარდის მამა ზაზა სარალიძე იყო. მისი თქმით, დავით სარალიძის მკვლელები დასჯილები არ არიან. ის დანაშაულის დაფარვაში ბრალს თენგიზ კალანდიას და პროკურატურის ყოფილ თანამშრომელს მირზა სუბელიანს სდებდა.

აქციების შემდეგ, გადადგა მთავარი პროკურორი ირაკლი შოთაძე, ხოლო საქმე პროკურატურისგან კლავ შსს-მ გადაიბარა. დანაშაულის შეუტყობინებლობისთვის დააკავეს მირზა სუბელიანი. მას 1 წლით და 1 თვით თავისუფლების აღკვეთა მიესაჯა. ხოლო მოწმეზე ზემოქმედების ბრალდებით დააკავეს - მერაბ მორჩაძე. ამ უკანასკნელს გამოძიება მიხეილ კალანდიაზე ზეწოლას ედავება. შსს-ს მტკიცებით, მან მოსთხოვა კალანდიას, რომ გ.ჯ-ს წინააღმდეგ ჩვენება შეეცვალა. გარდა ამისა, ცნობილი გახდა, რომ მიხეილ კალანდიას ბრალი წარუდგინეს დანაშაულის დაფარვისთვის, ხოლო ცრუ ჩვენების მიცემის ბრალდებით არასრულწლოვანი დ.ღ დააკავეს.

არჩევნები 2018

ახალი ვიდეო მეტი ვიდეო

ირინა პოპიაშვილი

კომენტარები