სკოლებზე თავდასხმები ავღანეთში 2018 წელს თითქმის გასამმაგდა განაცხადა UNICEF-მა სამშაბათს.ინციდენტების რიცხვი 68-დან (2017) 192-მდე გაიზარდა (2018).
"სკოლებზე თავდასხმები; მასწავლებლების მკვლელობა, დაშავება და გატაცება; და სხვა საფრთხეები განათლების წინააღდეგ მთელი თაობის ოცნებებსა და იმედებს ანადგურებს" განაცხადა UNICEF-ის აღმასრულებელმა დირექტორმა ჰენრიეტა ფორმა.
თავდასხმების გაზრდის ერთ-ერთი შესაძლო მიზეზი სკოლის შენობების საარჩევნო ცენტრებად გამოყენებაა წინა საპარლამენტო არჩევნების დრო.
UNICEF-ის განცხადებით 3.7 მილიონი ავღანელი ბავშვი - რაც ქვეყნაში სკოლის ასაკის ბავშვების ნახევარს შეადგენს - ფორმალურ განათლებას ვერ იღებს. მათი 60% გოგოა. ფონდის ცნობით, ისეთი ჯგუფებისაგან მომავალი საფრთხის გამო, როგორიც არის თალიბანი და "ისლამისტური სახელმწიფო", ქვეყნის მასშტაბით 1000-ზე მეტი სკოლა დაკეტილი რჩება.
უსაფრთხოების საკითხი ავღანეთში კვლავ მწვავეა. თალიბანი ქვეყნის რეგიონების თითქმის ნახევარს აკონტროლებს. ორგანიზაცია ავღანეთს 1996-2001 წლებში მართავდა, სანამ ჯარებმა აშშ-ს ხელმძღვანელობით მმართველობიდან მოხსნეს.
აშშ ოქტომბრიდან მოყოლებული მშვიდობის შეთანხმების მიღწევას ცდილობს მებრძოლებსა და მთავრობას შორის ქაბულში. მაგრამ ჯერჯერობით პროგრესი ძალიან მცირეა ისეთ საკითხებზე, როგორიცაა ცეცხლის შეწყვეტა ან მხარეების მოლაპარაკების მაგიდასთან დასხდომა.
