რუსეთი

რუსეთში ტროტილის მწარმოებელ ქარხანაში აფეთქებისას 90-მდე ადამიანი დაშავდა

0 კომენტარი
ფოტო: reuters

რუსეთში ქალაქ ძერჟინსკში მდებარე ქარხნის აფეთქებისას დაშავებულთა რაოდენობამ 90-ს მიაღწია. მათგან დაახლოებით ნახევარი ქარხანაშივე მუშაობდა, მეორე ნახევარი კი - ქალაქის მაცხოვრებლები არიან. ჰოსპიტალიზაცია 16 ადამიანის შემთხვევაში გახდა საჭირო.

აფეთქება ტროტილის მწარმოებელ ქარხანაში 1 ივნისს მოხდა. ამ ქარხანაში სამხედრო ასაფეთქებელ მოწყობილებებს ამზადებდნენ და ინახავდნენ.

დაშავებულთა უმრავლესობას დაზიანებები ნამსხვრევებმა მიაყენა, რომელიც აფეთქების შემდეგ მოხვდათ.

წინასწარი მონაცემებით, აფეთქებას უსაფრთხოების წესების დარღვევა უკავშირებენ.

ახალი ვიდეო მეტი ვიდეო

გიორგი ცინცაძე

კომენტარები