ქარელის რაიონის დაბა აგარაში კაცი მოკლეს ქალი კი დაჭრეს.
როგორც ტაბულას შსს-ში უთხრეს, ქალს და მამაკაცს ჭრილობები ცივი იარაღით აქვთ მიყენებული. ქალი საავადმყოფოშია გადაყვანილი.
უწყების ინფორმაციით, სავარაუდო დამნაშავე იდენთიფიცირებულია და მიმდინარეობს საგამოძიებო მოქმედებები.
მათივე ცნობით, გამოძიება განზრახ მკვლელობის, 108-ე მუხლით მიმდინარეობს, თუმცა უწყებაში განმარტავენ, რომ ეს წინასწარი მუხლია და საქმე, შესაძლოა, გადაკვალიფიცირდეს.
