კობა გვენეტაძე

გვენეტაძის აზრით, რუსულმა სანქციებმა ეკონომიკას 200-300 მლნ დოლარით შეიძლება ავნოს

0 კომენტარი
ფოტო: პარლამენტი

ეროვნული ბანკის პრეზიდენტის, კობა გვენეტაძის თქმით, რუსეთიდან საქართველოსკენ პირდაპირი ფრენების აკრძალვამ ტურიზმის სექტორს 200-300 მილიონი დოლარით შეიძლება ავნოს, თუმცა თუ რუსი ტურისტები ჩანაცვლდებიან ან სხვა გზებით შემოვლენ, დანაკარგი ანაზღაურდება.

"ამ ეტაპზე შეიძლება დანაკლისი იყოს 200-300 მლნ დოლარი , თუმცა იმ შემთხვევაში თუ რუსი ტურისტები ჩანაცვლდებიან ან სხვა გზებით შემოვლენ, შესაძლოა, ეს დანაკარგი საერთოდ არ იყოს. ეს აუცილებლად არის გადათვალისწინებელი ანალიზში. მოგეხსენებათ, 2014-2015 წელს შოკის დროს გაცილებით მეტი იყო შემცირება ამ შემოსავლების" - ამბობს გვენეტაძე.

საინვესტიციო ბანკ Galt & Taggart-ის პროგნოზით, ქართული ტურიზმის სექტორი დაახლოებით 200 მილიონი ლარით იზარალებს. წლის დასაწყისში Galt & Taggart-ი ვარაუდობდა, რომ ტურიზმის შემოსავლები 2019 წელს 3.6 მილიარდი აშშ დოლარი იქნებოდა, ახლა კი საინვესტიციო ბანკის პროგნოზი 3.4 მილიარდამდე შემცირდა.

ახალი ვიდეო მეტი ვიდეო

დააკავეს პირი, რომელმაც დიდ დიღომში ქალი ყელის არეში ცივი იარაღით დაჭრა

კომენტარები