გავრილოვის ღამე

"აშმალახა, გახარია" - პარლამენტთან თეთრ ბანერზე მოქალაქეები თავიანთ გზავნილებს წერენ (Photos)

0 კომენტარი

პარლამენტთან მიმდინარე აქციზე დიდი, თეთრი ბანერი დადგეს, რომელზეც მოქალაქეები თავიანთ გზავნილებს წერენ.

"აშმალახა გახარია", "არ წახვიდე, გადაგაყენონ", "პრაიდი იქნება, წადი" - წერენ აქციის მონაწილეები.

უკვე 14 დღეა, საქართველოს პარლამენტთან გიორგი გახარიას გადაყენებას ითხოვენ. ხვალ, 4 ივლისს, პარლამენტთან აქცია-კონცერტი გაიმართება.

თავდაპირველად, პროტესტი რუსი დეპუტატის სერგეი გავრილოვის საქართველოს პარლამენტში ვიზიტის გამო დაიწყო. თუმცა, მას შემდეგ, რაც სპეცრაზმმა მიტინგი ძალადობრივად დაშალა, მოქალაქეებმა ანტისაოკუპაციო აქცია ოთხი კონკრეტული მოთხოვნით განაახლეს - გადადგეს შს მინისტრი გიორგი გახარია, მომდევნო არჩევნები ჩატარდეს პროპორციული სისტემით, გაათავისუფლონ 20 ივნისის აქციის დარბევისას დაკავებულები და დაისაჯონ ის პოლიციელები, ვინც "გავრილოვის ღამეს" ძალას გადაამეტა.

ქართულმა ოცნებამ აქციებიდან რამდენიმე დღეში დააანონსა 2020 წლის არჩევნების პროპორციული წესით, 0%-იანი ბარიერის პირობებში ჩატარება. ასევე, შსს-მ უფლებამოსილება შეუჩერა 10 სამართალდამცველს, ხოლო ორის ქმედებებში - სისხლის სამართლის დანაშაულის ნიშნები დაინახა. გარდა ამისა, სააპელაციო სასამართლომ აქციაზე ადმინისტრაციული წესით დაკავებულები გაათავისუფლა. ამ ეტაპზე, დემონსტრანტების მოთხოვნა მხოლოდ გიორგი გახარიას გადადგომაა.

ახალი ვიდეო მეტი ვიდეო

VIDEO: რუსი ჟურნალისტი, ალეკსანდრ ნევზოროვი განდაგანას ფონზე მაისურს GEORGIA-ს აწერს

კომენტარები