საბერძნეთი

საბერძნეთის ვადამდელ არჩევნებში ოპოზიციამ გაიმარჯვა, პრემიერმინისტრი მიცოტაკისი გახდა

0 კომენტარი
ფოტო: Reuters

საბერძნეთის ვადამდელ საპარლამენტო არჩევნებში მემარჯვენე-ცენტრისტულმა ოპოზიციურმა პარტიამ "ახალი დემოკრატია" გაიმარჯვა. მათ ხმათა 39.85% მიიღეს და პარლამენტში 158 ადგილი მოიპოვეს. ქვეყნის პრემიერმინისტრი პარტიის ლიდერი კირიაკოს მიცოტაკისი გახდა. ფიცის დადების ცერემონია დღეს გაიმართა.

ყოფილი პრემიერმინისტრის, აქლესის ციპრასის პარტიამ კი ხმათა 31.53% მიიღო და შესაბამისად 86 ადგილი მოიპოვა, რაც წინა არჩევნების შედეგებთან შედარებით 59 ადგილით ნაკლებია.

ცენტრისტულმა მემარცხენე პარტიამ "მოძრაობა ცვლილებებისათვის" 8% მიიღო, ხოლო კომუნისტურმა პარტიამ 5.3%. რაც შეეხება ულტრა მემარჯვენე "ოქროს განთიადის" პარტიას, მათ 3%-იანი ბარიერი ვერ გადალახეს და პარლამენტში არ იქნებიან წარმოდგენილი.

ბარიერის გადალახვა შეძლეს პრო-რუსულმა პარტიებმა "ბერძნული გამოსავალი" და MeRA25 ("ევროპული რეალისტური დაუმორჩილებლობის ფრონტი") მათ შესაბამისად 10 და 9 ადგილი მოიპოვეს.

არჩევნებში მონაწილეობა ამომრჩეველთა 57%-მა მიიღო, რაც ბოლო ათწლეულის მანძილზე ყველაზე დაბალი მაჩვენებელია.

შეგახსენებთ, რომ ალექსის ციპრასმა ვადამდელი არჩევნები ევროპარლამენტის არჩევნების შემდეგ დანიშნა, მას შემდეგ, რაც მისი პარტიის რეიტინგმა საგრძნობლად იკლო.

ახალი ვიდეო მეტი ვიდეო

ლევან ბერძენიშვილი

კომენტარები