სამოქალაქო ავიაციის სააგენტოს ინფორმაციით, ამბროლაურის აეროპორტმა 2019 წლის პირველ ექვს თვეში 599 მგზავრი მიიღო. გასული წლის ანალოგიურ პერიოდთან შედარებით, აეროპორტის მგზავრთნაკადი 187-ით გაიზარდა.
კიდევ ერთი ადგილობრივი დანიშნულების, მესტიის აეროპორტი წლის პირველ ნახევარში 3 477 მგზავრს მოემსახურა, რაც წინა წელთან შედარებით 851 მგზავრით მეტია.
სამოქალაქო ავიაციის სააგენტოს ინფორმაციით, წლის პირველი ექვსი თვის მანძილზე ქართულ აეროპორტებში რეისების ზრდამ 13.32% შეადგინა.
2019 წლის პირველ ნახევარში საქართველოს აეროპორტების მგზავრთნაკადი 18.24%-ით გაიზარდა და თითქმის 2.5 მილიონს გაუტოლდა.
ამბროლაურის აეროპორტი 2017 წლის იანვარში მაშინდელმა პრემიერ-მინისტრმა გიორგი კვირკაშვილმა გახსნა. პროექტის საინვესტიციო ღირებულება 10 მილიონ ლარს აჭარბებდა.