პატრიოტთა ალიანსის აქტივისტები პარლამენტის წინ მივიდნენ - ამის შესახებ აქცია "სირცხვილიას" ერთ-ერთმა ორგანიზატორმა ნოდარ რუხაძემ facebook-ზე დაწერა.
"პატრიოტთა ალიანსის აქტივისტები მივიდნენ პარლამენტის წინ ახლა, დღეს აქ ჩვენ ვატარებთ აქციასო. მალე ლიდერებსაც ელოდებიან. ეს არის გიორგი გახარიას პასუხი, ტვ პირველის სტუდიასთან დადეგმილ საპროტესტო აქციაზე",- წერს რუხაძე.
11 ივლისს აქციის "სირცხვილია" 22-ე დღეს საქართველოს მოქალაქეები, ისტორიკოსები და ექსპერტები რუსეთის მხრიდან საქართველოს ოკუპაციის 200 წლიან ისტორიაზე გეგმავენ საუბარს.
ცნობისთვის, დღეს, 20:00-ზე გიორგი გახარია Tv პირველის კითხვებს უპასუხებს. შს მინისტრი გადაცემის "რეაქცია" სტუმარი იქნება. 20-21 ივნისის აქციის დარბევის შემდეგ, ეს შს მინისტრის პირველი სატელევიზიო ინტერვიუა.
