თურქეთი-რუსეთი

რუსული სახელმწიფო კორპორაცია როსტეკი მზადაა თურქეთთან SU-35-ის მიწოდება განიხილოს

0 კომენტარი
SU-35 ფოტო: weaponews

18 ივლისს რუსული მედიის TASS გავრცელებული ინფორმაციით, იმ შემთხვევაში, თუ ანკარა შესყიდვის ინტერესს გამოხატავს, რუსეთის სახელმწიფო კორპორაცია როსტეკი მზადაა SU-35 ტიპის საბრძოლო თვითმფრინავის მიწოდებაზე მოლაპარაკება დაიწყოს. 

"თუ თურქი კოლეგები დაინტერესდებიან, ჩვენ მზად ვართ SU-35 მიწოდება განვიხილოთ," - განაცხადა კორპორაციის ხელმძღვანელმა სერგეი ჩემაზოვმა.

S-400 სისტემის პირველი ნაწილი თურქეთმა გასულ კვირას მიიღო. მას სირიის საზღვართან განათავსებენ. თურქეთის პრეზიდენტმა რეჯეფ თაიფ ერდოღანმა თქვა, რომ ამის შემდეგ რუსეთთან S-500 ტიპის საჰაერო თავდაცვის სისტემის ერთობლივად წარმოებაზეც იმუშავებენ. ის ასევე ირწმუნებოდა, რომ ამ ნაბიჯის გამო თურქეთის F-35 საბრძოლო თვითმფრინავების პროგრამაში მონაწილეობას საფრთხე არ ემუქრებოდა.

თურქეთი F-35 ტიპის თვითმფრინავების 900-ზე მეტ ნაწილს აწარმოებს. აშშ-ის თავდაცვის მინისტრის მოადგილის თქმით ამის ჩანაცვლება აშშ-ს 500-დან 600 მილიონ დოლარამდე დაუჯდება. გარდა ამისა შეჩერდება თურქი პილოტების გადამზადების პროგრამაც. თურქეთი ვეღარ შეიძენს F-35 ტიპის 100 თვითმფრინავს, რის თაობაზეც შეთანხმება უკვე არსებობდა.

"თურქეთი ამის გამო, სამწუხაროდ, ამ გადაწყვეყილების გამო დაკარგავს სამუშაო ადგილებს და სამომავლო ეკონომიკურ შესაძლებლობებს. ის 9 მილიარდ დოლარზე მეტი ღირებულების მქონე პროექტებს დაკარგავს, რომლებიც F-35-ის პროგრამასთანაა კავშირში." თქვა მან.

F-35 აშშ-ის სამხედრო არსენალში არსებული ყველაზე განვითარებული საბრძოლო თვითმფრინავია. მას ნატო და აშშ-ის სხვა მოკავშირეები იყენებენ, რომლებსაც მიაჩნიათ, რომ რუსული სარაკეტო სისტემა ნატოს სტანდარტებთან შეუთავსებელია და თურქეთს მის შეძენაზე უარის თქმისკენ მოუწოდებდნენ.

ვაშინგტონში მიაჩნიათ, რომ S-400 სისტემისა და F-35 თვითმფრინავების ერთად განლაგება რუსეთს საშუალებას მისცემს ინფორმაცია მოიპოვოს თვითმფრინავების სისტემაზე და საფრთხეს შეუქმნის მას.

აშშ-ის თავდაცვის სამინისტროში ამბობენ, რომ რუსული S-400 ტიპის ანტისარაკეტო სისტემის განთავსების გამო თურქეთს ამერიკული F-35 ტიპის საბრძოლო თვითმფრინავების პროგრამიდან მოხსნიან.

თურქეთის საგარეო საქმეთა სამინისტროში ეს ნაბიჯი უსამართლობად შეაფასეს და თქვეს, რომ ამან შესაძლოა ორ ქვეყანას შორის ურთიერთობებზე გავლენა მოახდინოს.

ახალი ვიდეო მეტი ვიდეო

ცოლის ცემისთვის თბილისში 34 წლის კაცი დააკავეს

კომენტარები