მშენებლობაზე არასრულწლოვნის დაღუპვის გამო შინაგან საქმეთა სამინისტრომ სამშენებლო კომპანიის "ჯევიკე ჰოსპიტალიტი" დირექტორი, 1969 წელს დაბადდებული შ.ბ. დააკავა.
შსს-ის ინფორმაციით, გამოძიებით დადგინდა, რომ სამშენებლო კომპანია "ჯევიკე ჰოსპიტალიტი" თბილისში, დოლაბაურის ქუჩა N29-ში უსაფრთხოების წესის დარღვევით აწარმოებდა სამშენებლო სამუშაოებს.
16 ივლისს სწორედ ამ სამშენებლო ობიექტზე დაიღუპა 16 წლის გიორგი ბეშქენაძე. ის ლიფტის შახტში ჩავარდა და ადგილზე გარდაიცვალა.
გამოძიება საქართველოს სისხლის სამართლის კოდექსის 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს.