ზუგდიდში, ერთ-ერთი საცხოვრებელ სახლში ჭა ჩამოიშალა და მიწის მასის ქვეშ კაცი მოიყოლა. ის 70 წლამდეა.
ლაივპრესის ცნობით, ადგილზე სამი კაცი მუშაობდა. ისინი ჭას წმენდნენ. ერთ-ერთი მათგანი ჩავარდნილი მუშის შვილია. როგორც ისინი ამბობენ, ჭა დაახლოებით 9-10 მეტრი სიღრმისაა.
უკვე მეხუთე საათია მაშველები მუშის ამოყვანას ცდილობენ. მისი ჯანმრთელობის მდგომარეობა ჯერ უცნობია.
შინაგან საქმეთა სამინისტრომ გამოძიება სისხლის სამართლის კოდექსის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.